Meus paxariños e paxariñas!
Notadelo? Xa vai cheirando a verán!!! E imos preparando a despedida do cole, ainda que sexa neste cole tan raro a través das pantallas. Xa nos queda moi pouquiño!
1º Canción confinada
A música é importantísima para o ser humano.
Todas as culturas, en todos os tempos, tiveron a súa propia música, e neste confinamento comprobamos canto precisamos da música, e da arte en xeral (as historias dos libros, das películas...). Axúdannos a comprendernos, a desfogar, a imaxinar, a viaxar coa mente, a medrar...
Hoxe gustaríame que cadaquen compartiera unha canción especial,
unha canción que vos axudara a levar mellor este tempo de confinamento.
Que a escoitaras durante este tempo, que che levantara o ánimo ou que che marcara dalgún xeito.
Tés algunha en mente?
Podes enviarme un video cantando/bailando esa canción. Libremente, como queiras.
Lembra que podes usar o teléfono do colexio pra enviar vídeos se tés problemas por email: 667352980
Acompaña o vídeo dunha pequena reflexión, escribe unhas liñas contándome por que elexiches esa canción.
Eu quero compartirvos a miña, co vídeo orixinal pra que disfrutedes da LETRA.
É unha canción de Rozalén que foi feita durante este tempo confinado.
Gustoume moito porque, tanto a música como a letra, son intensas e emotivas, pero sen perder o optimismo. Dame ganas de voar!
2º Paxariños e paxariñas
Seguro que cada día, ao abrir as fiestras das vosas casas, escoitades un bo feixe de paxaros.
Faino agora, sal fóra e agudiza as orellas: escoitas? Sempre están aí, facendo a súa vida.
Ben, pois ides escoitar o canto de diferentes paxaros, e teredes que ir anotando nun papel o nome dos paxaros que credes que viven perto das vosas casas.
Escoitade con atención!
PAPORRUBIO (petirrojo)
RULA (tórtola)
CORUXA(buho-cárabo)
MERLO (mirlo)
PEGA (urraca)
BUBELA (abubilla)
REISEÑOR (ruiseñor)
Estes son curiosos:
PAXARO CARPINTEIRO (Picamaderos)
A ver quen recoñece máis paxaros na súa zona!
Podedes escribirme os nomes no blog ou no email.
E tamén podedes enviar un debuxo ou foto dalgún paxaro que voe onda vós!
Bicos voandeiros!
Hola, os paxaros da miña zona son: Paporrubio, merlo, urraca, bubela é cuco. Tamen mandeiche un video no gmail dunha bubela. Un saudo.
ResponderEliminarhola profe,na miña casa miro moitas veces no meu xardin unha bubela moi bonita,tamen vexo con moita frecuencia pegas,paporrubios e merlos.Un forte abrazo de Yani
ResponderEliminarQue sorte tedes de que vos visiten as bubelas! Son tan fermosas... Pois se recoñecedes o canto de cada paxaro poderedes ver o mundo cos ouvidos. Unha súper aperta!!
ResponderEliminar